Huineng

Huineng

Biografía
Nacemento	638 Xinxing (pt)
Morte	713 (74/75 anos) Shaoguan (pt)
Datos persoais
País de nacionalidade	Dinastía Tang
Relixión	Budismo
Actividade
Campo de traballo	Filosofía
Ocupación	filósofo , poeta , escritor
Profesores	Hongren (pt)
Lingua	Lingua chinesa
Familia
Familia	Lu clan of Fanyang (en)

Dajian Huineng (chinés tradicional: 大鑒惠能; chinés simplificado: 大鉴惠能; pinyin: Dàjiàn Huìnéng; Wade-Giles: Ta⁴-chien⁴ Hui⁴-neng²; xaponés: Daikan Enō 大鑒慧能; coreano: Hyeneung 혜능; vietnamita: Huệ Năng), nado no condado de Xinxing (Guangdong) en 638 e finado en 713, tamén coñecido como o Sexto Patriarca ou o Sexto Devanceiro de Chan, é unha figura central semilendaria na primeira época do budismo Chan. Segundo a tradición foi un leigo sen educación que obtivo o espertar de súpeto tras ouvir o sutra do diamante. A pesar da súa falta de adestramento formal, demostrou o seu entendemento ao quinto patriarca, Daman Hongren, que entón escolleu supostamente a Huineng como o seu auténtico sucesor en lugar da escolla coñecida publicamente de Yuquan Shenxiu.

Os estudos do século XX revelaron que a historia da carreira budista de Huineng fora probablemente inventada polo monxe Heze Shenhui, que afirmaba que era un dos discípulos de Huineng e foi enormemente crítico coas ensinanzas de Shenxiu.^[1][2][3]

Huineng está considerado o fundador da escola Chan Meridional da "Iluminación Repentina", que se centra nunha obtención inmediata e directa da iluminación budista. A Platforma Sutra do Sexto Patriarca (en chinés: 六祖壇經), que se di que é un rexistro das súas ensinanzas, é un texto de grande influencia na tradición budista da Asia Oriental.

1. ↑ McRae 2003.
2. ↑ Jorgesen 2005.
3. ↑ Schlütter & Teiser 2012.